Yona Berger: Yuqumlilik. Mahsulot va g‘oyalar qanday ommalashadi (qattiq muqova)

Nima mahsulot yoki gʻoyani mashhur qiladi? Agar siz reklama degan boʻlsangiz, qayta oʻylab koʻring. Odamlar reklamani tinglamaydi, tengdoshlarini tinglaydi. Lekin mahsulot va gʻoyalarning tilga tushishi va ommalashuvi sababi nimada? Nega baʼzi maʼlumotlarni odamlar bir-biriga ulashadi? Nima uchun ayrim mish-mishlar epidemik xususiyatga ega? Gʻoyalar qanday omillar tufayli “virus” kabi keng tarqaladi? Nima uchun baʼzi mavzular haqida koʻproq suhbatlashamiz va unga oid maʼlumotlarni boshqalarga ulashamiz? Uorton biznes maktabi marketing professori Yona Berger soʻnggi oʻn yil davomida ushbu savollarga javob berdi. U nima uchun mahsulotlar ogʻizdan ogʻizga tushishini va ijtimoiy taʼsir biz sotib olgan mashinalardan tortib, kiygan kiyimimizgacha, farzandlarimizga qoʻyadigan ismlargacha qanday shakllanishini oʻrgandi. “Yuqumlilik” asarida Berger ogʻizdan-ogʻizga va ijtimoiy uzatish ortidagi sirli ilmni ochib beradi. Oltita asosiy tamoyil isteʼmol mahsulotlari va siyosat tashabbuslaridan tortib, ish joyidagi mish-mishlar va YouTube videolarigacha boʻlgan har xil narsalarni yuqumli holga keltirishini bilib oling. Qanday qilib hashamatli steykxaus mashhur boʻlmagan pishloqli steyk orqali mashhurlikka erishganini, nega giyohvandlikka qarshi reklama roliklari aslida giyohvand moddalarni isteʼmol qilishni koʻpaytirganini va nima uchun 200 milliondan ortiq isteʼmolchilar eng zerikarli mahsulotlardan biri: blender haqidagi videoni yaqinlari bilan baham koʻrishini bilib oling. “Yuqumlilik” kitobi maʼlumotlarning tarqalishiga yordam berish uchun — odamlar baham koʻradigan xabarlar, reklamalar va kontentni loyihalash uchun maxsus, ishlatishga yaroqli usullarni taqdim etadi. Siz katta kompaniya menejeri boʻlasizmi, brend xabardorligini oshirishga harakat qilayotgan kichik biznes egasimisiz, lavozimga nomzod boʻlgan siyosatchimisiz yoki sogʻliqni saqlash xodimi boʻlasizmi, “Yuqumlilik” sizga mahsulot yoki gʻoyangizni qanday ommalashtirishni koʻrsatib beradi. Ushbu kitobda Yona Berger ijtimoiy tarqaluvchanlik zamiridagi omillarni sodda va tushunarli tarzda bayon qilgan. Siz mutolaa qilmoqchi boʻlgan qiziqarli hikoyalar va keng qamrovli tadqiqotlar xulosalariga boy “Yuqumlilik” kitobi mahsuloti yoki gʻoyasi ommalashishini istagan har bir inson uchun muhim qoʻllanmadir. Kitob oʻz mahsulot, xizmat va gʻoyalarini keng ommalashtirishni istaydigan har bir tadbirkor, marketolog, jurnalist, matbuot kotibi, PR menejer va blogerlar uchun tavsiya etiladi. Kitob haqida OAV va mashhurlar fikri: “Nega baʼzi gʻoyalar bir kechada tarqalib ketadi, boshqalari esa yoʻqoladi? Qanday qilib baʼzi mahsulotlarni hamma joyda koʻrishimiz mumkin, boshqalari esa hech qachon oʻziga jalb etmaydi? Yona Berger javoblarni biladi va “Yuqumlilik” kitobi orqali biz ham bilamiz.“ — Charlz Duhigg, “The Power of Habit” bestselleri muallifi “Yona Berger — bu faktlarni oʻrgangan, uni fantastikadan ajratib olgan va mutaxassislarning fikrlash tarzini oʻzgartirishga erishgan va yangi tajribalar oʻtkazgan noyob zotdir. Agar bu yil gʻoyalar qanday ommalashishi haqida bir dona kitob oʻqimoqchi boʻlsangiz, u shu kitobdir.“ — Deyv Balter, BzzAgent bosh direktori va “Ogʻizdan ogʻizga” marketing assotsiatsiyasi asoschilaridan biri “Yona Berger maʼlumotlarning “yuqumli” boʻlishiga nima sabab boʻlishi haqida dunyodagi hammadan koʻra koʻproq biladi.“ — Daniel Gilbert, “Baxtga qoqilish” bestselleri muallifi