Maftunkor ichak. Qanday qilib eng qudratli organ bizni boshqaradi* | Enders Julia

Ichak - har birimizning ichimizda joylashgan bepoyon olam. U sevimli taomlardan lazzatlanishimiz, sog‘lom bo‘lishimiz va o‘zimizni yaxshi his qilishimiz uchun tinmay ishlaydi. Shunday ekan, u bilan yaqinroq tanishib olsak bo‘lmaydimi? "Maftunkor ichak" nomli xalqaro bestseller kitob o‘quvchiga tanamizning eng qiziqarli va noma’lum qismlarini ochib beradi hamda eng kutilmagan savollarga javob beradi:

Nahotki mikroskopik bakteriyalar immunitetni boshqarishga va hatto ruhiy holatga ta’sir ko‘rsata olsa? Ovqatlanib bo‘lgandan so‘ng qanday holatda bo‘lishni kuzatib borish nima uchun muhim? Stress hazm qilish jarayoniga qanday ta’sir ko‘rsatadi? Bizga appendiks nima uchun kerak? Qorinning quldirashi nimadan darak? Bu va boshqa ajoyib a’zoning sirlari haqida Juliya Enders o‘z kitobida so‘z yuritadi. Bu kitob tanamiz sirlarini ochish yo‘lidagi yana bir kichik qadam bo‘ldi. Juliya Enders - yosh olima, Frankfurt shahridan bo‘lgan mikrobiolog. U bu kitobni tibbiyot universitetida o‘qib yurgan paytlarida yoza boshlagan, do‘stlariga tanamiz haqidagi ajoyib faktlarni aytib bergan. Siz quyidagilarni bilarmidingiz:
- Ichagimizning bakterial tarkibiga qarab odamning yoshi, tana tuzilishi va yashash hududini aniqlash mumkin; - Immunitetimizning qariyb 80 foizi aynan ichakda joylashgan; - Ichak mikroflorasi vakillari taxminan 2 kg og‘irlikka ega; - So‘lak o‘zining kimyoviy tarkibiga ko‘ra filtrlangan qon hisoblanadi; - Qo‘rquv hissi va o‘zini himoya qilish instinktini susaytiradigan ichak bakteriyalari mavjud; - Bakteriyalar va ichak infeksiyalari ruhiy kasalliklarni keltirib chiqarishi mumkin? Diqqat! Tovar muqovasining tashqi ko‘rinishi bosmaxona tomonidan ogohlantirmasdan o‘zgartirilishi mumkin.