Pofigizmning nozik san’ati. Baxtli yashashning paradoksal usuli | Mark Menson

Bu kitob sizning tashvish va muammolaringizni kamaytirmaydi. Men hatto urinib ham ko‘rmayman. Ko‘rib turibsizki, men sizga to‘g‘risini aytyapman. U buyuklikka olib kelmaydi, olib kelishi ham mumkin emas, chunki buyuklik - aqlning illyuziyasi, butunlay o‘ylab topilgan maqsad va bizning shaxsiy psixologik Atlantidamiz. Aksincha, og‘rig‘ingizni qurolga, jarohatingizni kuchga, muammolaringizni... biroz yoqimli muammolarga aylantirishni o‘rgataman. Zamonaviy jamiyat muvaffaqiyat kultini targ‘ib qiladi: aqlliroq, boyroq, mahsuldorroq bo‘l - hammadan yaxshiroq bo‘l. Ijtimoiy tarmoqlarda qandaydir bola qanday qilib ilova o‘ylab topib, katta pul ishlab topgani haqidagi hikoyalar, "Baxtli bo‘lishning ming bir yo‘li" ruhidagi maqolalar, "Fridelent"dagi fotosuratlar esa atrofdagilar bizdan ko‘ra yaxshiroq va qiziqarliroq yashashlari haqida taassurot uyg‘otadi. Biroq, bizning ijobiy va muvaffaqiyatga bo‘lgan diqqat-e’tiborimiz biz erishmagan narsalarni, ro‘yobga chiqmagan orzularni eslatadi, xolos. Qanday qilib haqiqiy baxtga erishish mumkin? Mashhur bloger Mark Menson bu masalaga o‘ziga xos yondashuvni taklif qiladi. Uning hayot falsafasi oddiy - pofigizm san’atini o‘rganish kerak. Haqiqatda nima bilan shug‘ullanayotganingizni aniqlab olgach, ikkinchi darajali narsalarga tupurish, qiyinchiliklarni yengish, boshqalarning fikrini yo‘qqa chiqarish va muvaffaqiyatsizlikka yuzma-yuz qarab, ularga o‘rta barmog‘ingizni ko‘rsatishga tayyor bo‘lish kerak.